Gerðu það sem þú gerir best - það gerum við

Sérhæfing í verkferlum á fjármálasviði
Fjárstoð er eitt stærsta fyrirtækið á íslenskum markaði sem sérhæfir sig í útvistun verkferla á fjármálasviði.  Þjónusta fyrirtækisins felst í framkvæmd allra þátta sem heyra undir fjármálasvið fyrirtækja, færslu bókhalds, afstemmingum, launavinnslum, reikningagerð, greiðslu reikninga, gerð ársreikninga og skattaframtala, mánaðar-,  bráðabirgða- og árshlutauppgjöra, framsetningu lykilstærða í fjárhag, áætlanagerð ofl.

Beindu kröftum þínum að kjarnastarfsemi þinni
Fjárstoð byggir starfsemi sína á þeirri staðreynd að sífellt  fleiri vel rekin fyrirtæki telja hagsmunum sínum betur borgið með því að einbeita kröftunum að kjarnastarfsemi sinni - að því einu sem skapar bein verðmæti fyrir fyrirtækið og hluthafa þess - en láta sérhæfða þjónustuaðila annast rekstur stoðdeilda.

Betri upplýsingar um lykilstærðir í rekstri
Starfsfólk Fjárstoðar hefur áralanga reynslu af framsetningu fjármálaupplýsinga. Framsetningu sem stenst strangar kröfur nútímastjórnenda um að hafa á hverjum tíma fullkomið yfirlit yfir mikilvægar rekstrar- og efnahagsstærðir fyrirtækja sinna.  Framsetning upplýsinga byggir annars vegar á stöðluðum reglubundnum yfirlitum um lykilstærðir og hins vegar á sérstökum skýrslum sniðnum að þörfum viðskiptavina hverju sinni.

Lægri kostnaður - meiri gæði
Með því að útvista þá þætti í rekstri sem ekki teljast til kjarnasviðs hafa viðskiptavinir okkar notið aukinnar hagkvæmni við framkvæmd þeirra verkefna sem heyra undir fjármálasvið.  Að sama skapi eru það markmið Fjárstoðar í samningum við  viðskiptavini að, lækka kostnað við rekstur stoðdeilda á fjármálasviði, betri og skilvirkari verkferla, aðgang að sérfræðiþekkingu og víðtækri reynslu fagfólks, fagleg vinnubrögð og  aðferðir sem samræmast ýtrustu gæðakröfum.